Ақтауда есту аппараттарын шығару қолға алынды. Бұл Қазақстандағы мұндай алғашқы өндіріс.
Шағын цехта олар Германиядан келген сурдотехнологиялық бөлшектерден жасалған бұйымдарды құрастыруды жолға қойды. Мұнымен қалалық жұмыспен қамту орталығы арқылы жұмысқа орналасқан бес маман айналысады. Оларды мәскеулік технологтар оқытады. Айдың соңына дейін 200 цифрлық құрылғыны шығару жоспарлануда. Сондай-ақ науқастарға есту аппаратын таңдауға көмектесетін дәрігердің қабылдауы бар. Мүгедектігі бар жандар оларды мемлекеттік квота бойынша сатып ала алады. Айна Тумышева, жоба үйлестірушісі: «Әлемдегі 12 зауыттың 3-і Ресейде орналасқандықтан, біз әріптестерімізге жүгіндік, бүгін алғашқы іске қосуымызға Мәскеуден мамандар келді, алдағы уақытта қызметкерлеріміздің санын көбейтуді жоспарлап отырмыз.
