Мемлекет жыл сайын 29 АЕК-тен аспайтын мөлшерде колледждер мен жоғары оқу орындарының жатақханаларында тұру үшін оқу кезеңінде шығыстарды ішінара өтейді. Бұл 2023 жылы 100 050 теңгені құрайды.
Өтемақылар келесі санаттарға төленеді:
🔹 жетім балалар мен ата-анасының қамқорлығынсыз қалған балалар, сондай-ақ кәмелеттік жасқа толғанға дейін ата-анасының қамқорлығынсыз қалған немесе ата-анасының қамқорлығынсыз қалған жастар арасынан Қазақстан Республикасының азаматтары;
🔹 бірінші немесе екінші топтағы мүгедектігі бар азаматтар, бала кезінен мүгедектігі бар азаматтар, мүмкіндігі шектеулі балалар.
Техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарының жатақханаларына орналасу кезінде өтемақы алу үшін білім алушылардың аталған санаттары мынадай растайтын құжаттардың бірін ұсынуы қажет:
🔹 қорғаншылық (қамқоршылық) туралы анықтаманың көшірмесі – жетім балалар мен ата-анасының қамқорлығынсыз қалған балаларға;
🔹 ата-анасының қайтыс болуы туралы куәліктің немесе жетім балалар мен ата-анасының қамқорлығынсыз қалған балаларға арналған ұйымның анықтамасының көшірмелері;
🔹 мүгедектік туралы анықтама – бірінші немесе екінші топтағы мүгедектігі бар азаматтарға, бала кезінен мүгедектігі бар азаматтар, мүгедектігі бар балаларға.
Қаулы 2023 жылғы 29 тамызда күшіне енеді.
7145 адам өтемақы алады, оның ішінде 4651 жетім оқушы ата-анасының қамқорлығынсыз қалған, 2494 мүгедектігі бар азаматтар.
Өтемақы 2023 жылдың қыркүйегінен бастап беріледі.
