Елордада ҚР Президенті жанындағы Адам құқықтары жөніндегі комиссияның отырысы өтті.
«Бүгін комиссия отырысында республикадағы Кәсіподақтар федерациясының қазақстандықтардың еңбек құқықтарын қорғау жөніндегі жұмысы мен ҚАЖК, ішкі істер министрлігінің сотталушылардың осал санаттары құқықтарын қорғау жөніндегі жұмысын талқылау жоспарлануда. Екі тақырып бойынша да сұрақтар көп», — деді комиссия төрағасы Қанат Мусин кездесудің алдында журналистерге берген сұхбатында.
Комиссия отырысына Қазақстан Республикасының заң шығарушы, атқарушы және сот билігінің өкілдері, халықаралық және үкіметтік емес ұйымдардың, адвокатураның, қоғам мен БАҚ өкілдері қатысты.
Комиссия мүшелері азаматтардың және Қазақстан Республикасының заңдарымен және халықаралық міндеттемелерімен кепілдендірілген басқа да адамдардың еңбек, әлеуметтік-экономикалық құқықтарын қамтамасыз ету мемлекеттің басым міндеттерінің бірі болып табылатынын және азаматтарды әлеуметтік қорғау дәрежесі кез-келген өркениетті қоғамның, мемлекеттік саясаттың әлеуметтік бағыттарының басты көрсеткіші болып табылады.
Спикерлер халықтың, оның ішінде барлық санаттағы қызметкерлердің құқықтық сауаттылық деңгейін арттыру — бұл әлеуметтік жаңғыртудың мемлекеттік бағдарламаларын ойдағыдай жүзеге асырудың қажетті және таптырмас шарты екенін баса айтты.
Кәсіподақтар азаматтық қоғамның көптеген бөліктерінің бірі бола отырып, азаматтардың еңбек, әлеуметтік-экономикалық құқықтарын қамтамасыз етуде, еңбек қатынастарын әділетті реттеуде маңызды рөл атқаруы керек екендігі баса айтылды.
Сарапшылар бұл саладағы проблемалар мен міндеттер тек ведомстволық емес, сонымен қатар азаматтық қоғам барлық институттарының белсенді қатысуымен барлық билік тармақтарының өзара іс-қимылы қажет болатын қоғамдық, мемлекеттік проблемалар екендігін атап өтті.
Источник: Казинформ
