Индербор кентінің «Көктем» шағын ауданында «Нұрлы жер» бағдарламасы бойынша салынған 48 пәтерлі 4 тұрғын үйдің тұрғындарына пәтер кілттері табыс етілді, деп хабарлайды Атырау облысының Өңірлік коммуникациялар қызметі.
Мерекелік шара барысында аудан әкімінің орынбасары Әсет Оразғалиев ауыл тұрғындарын қоныс тойларымен құттықтап, пәтер кілттерін табыс етті.
Мемлекеттік бағдарлама бойынша салынған пәтерлерді 192 отбасы алды, оның ішінде 106 көп балалы отбасы, 69 халықтың әлеуметтік осал топтарының өкілдері және 17 ата-анасының қамқорлығынсыз қалған балалар.
Айта кету керек, Индер ауданындағы халық саны 32 мыңнан асады, оның ішінде 19 мыңнан астам адам Индербор ауылында тұрады.
0
