Есту қабілеті бұзылған спортшылар арасындағы күрестен әлем чемпионатында қазақстандықтар жеңіске жетті, деп хабарлайды спорт және дене шынықтыру істері комитеті.
Бішкек қаласында есту қабілеті бұзылған кадеттер арасында грек-рим күресінен өткен әлем чемпионатында қазақ балуандары үш алтын, екі күміс және бір қола медаль жеңіп алды.
• Бірінші орын – Сейіткерім Дамир (48 кг)
• Бірінші орын – Жолдақан Ерәулет (55 кг)
• Бірінші орын – Мұстафаұлы Жандос (60 кг)
• Екінші орын – Омар Жасұлан (65 келі)
• Екінші орын – Жылқышыбай Айқын (71 кг)
• Үшінші орын – Камидин Рүстем (51 келі).
Қазақстан құрамасы бірінші, Қырғызстан екінші, Армения үшінші орынды иеленді.
Есту қабілеті бұзылған кадеттер арасында грек-рим күресінен әлем чемпионаты 2-3 қыркүйек аралығында өтті. Жарысқа әлемнің 16 елінен 160-тан астам спортшы қатысты. Бішкек қаласындағы жастар мен ересектер арасында чемпионат 6 қыркүйекке дейін жалғасады, спортшылар 7-11 қыркүйек аралығында еркін күрестен сынға түседі.
