Ағымдағы жылдың қыркүйек айынан бастап Астанадағы балабақшаларда ерекше білім беруді қажет ететін балаларға арналған инклюзивті қолдау бөлмелері ашылады, деп хабарлайды елорда әкімдігінің ресми сайты.
№54, №60, №66, №95 балабақшаларында аутизмге шалдыққан және ерекше білім беруді қажет ететін балаларды оқу-тәрбие үдерісіне қосу, мектепке дайындау және қоғамда әлеуметтену үшін инклюзивті қолдау кабинеттері ашылған.
Сонымен қатар №8, №11, №30, №76 мектепке дейінгі мекемелерде 4 шағын орталықта инклюзивті қолдауға арналған қосымша бөлмелер пайдалануға беріледі. Бұл «Әр бала мектепке лайық» жобасы аясында жүзеге асырылуда.
Қазіргі таңда аталған балабақшаларда психологтар, логопедтер, дефектологтар, педагогтардың көмекшілері психологиялық қолдау көрсету жұмыстарын жүргізуде.
