Алматы қаласындағы NIS ФМҒ студенттері аутизм спектрі бұзылған адамдардың эмоционалдық интеллектінің дамуына ықпал ететін «Drive Beyond» қосымшасын жасады. Бұл қосымша қазірдің өзінде бірқатар білім беру орталықтарында сәтті қолданылған және әсіресе 5 пен 13 жас аралығындағы балалар арасында айтарлықтай оң нәтиже көрсетіп отыр, деп хабарлайды Қ ҚР Білім министрлігі.
Drive Beyond қолданбасы — жеке тұлғаның мимикасын тани алатын бірегей жасанды интеллект.
«Біздің қосымшамыз жастар арасында әлеуметтік кәсіпкерлікті дамытудың маңыздылығын тамаша көрсетеді. Әрбір адам осы технологияға қол жеткізуге және өзінің эмоционалдық қабілетін дамыту мүмкіндігіне лайық деп санаймыз», — деп бөлісті 12-сынып оқушысы Әлихан Сырғалиев.
Айтпақшы, мектеп оқушылары өздерінің өнімдерінің арқасында алғашқы табыстарына ие болды. Бүгінгі таңда қосымшаны Алматының бірқатар оңалту орталықтары белсенді пайдаланады. Енді ұжым жобаны одан әрі дамытуды, соның ішінде емдеу орталықтарына диагностикалық мүмкіндіктерді қосуды және оны басқа оқу орындарында қолдануды кеңейтуді жоспарлап отыр.
