№2 Кішкенекөл орта мектебінің өзін-өзі тану пәнінің мұғалімі Ғалия Алинова осыдан екі жыл бұрын «Ару» сауда үйінде қайырымдылық дүкенін ашып, ауыл тұрғындары қажетті киім-кешек пен аяқ киімдерді тегін алады.
Бұл игі іске әріптестер мен оқушылар белсенді көмекшілер. Жергілікті кәсіпкерлер жапсырмалары бар жаңа заттарды тапсырып, бутиктегі тәртіпті сақтайды. Сондай-ақ, ауданның қамқор тұрғындары мұқтаж жандарға сапалы киім-кешек пен аяқ киім әкеліп беруде.
«Біз бұл бастаманы балалармен бастадық. Киімдерді жинап бутикке орналастырдық. Балаларды жақсылыққа үйретуге деген ұмтылыс болды. Жұмыс тоқтап қалмайды: егер киімдер бітсе, олар дереу жаңаларын әкеледі. Ауылдық округтерден келген тұрғындар қажетті киім-кешек пен аяқ киімін таңдап, үйлеріне риза болып қайтады. Осындай игі істер адамды шабыттандырады», — деп атап өтті Ғалия Алинова.
Қазір бутикте ересектер мен балаларға арналған күртешелер, пальтолар, көйлектер, жемпірлер, аяқ киімдер, ойыншықтар, ыдыс-аяқтар қойылған. Бутик 2021 жылдың қарашасында ашылды. Ғалия Алинова қайырымдылық дүкенін ашу идеясын «Amanat» партиясы Уәлиханов аудандық филиалының төрағасы Маржан Латыповамен бөлісті. Оның қолдауымен «Нұр» көтерме-бөлшек сауда желісінің басшысы Рашида Темірбекова бутикке орынды тегін берді.
