Абай қаласында мүгедектігі бар жандар күніне орай жергілікті мәдениет орталығында мүмкіндігі шектеулі жандарға концерт ұйымдастырылды.
Қойылым екінші қабаттағы залда өтіп жатқаны, ғимаратта пандус пен лифттің жоқтығы концертке келушілерді қатты ренжітті.
Мәдени орталықтан түсірілген видео қоғамдық Vk_gazeta Instagram парақшасында жарияланған. Кадрларда шараға келгеннен кейін арбадағы әйелді баспалдақтан қалай итеріп жібермек болғаны көрсетілген.
Абай ауданының әкімдігі оқиғаға қатысты түсініктеме берді.
«Мүгедектігі бар жандар күніне арналған шарада мәдениет үйінде келеңсіз жағдай орын алып, қатысушылардың біріне қолайсыздық тудырылған екен. Бұл үшін шын жүректен кешірім сұраймыз, ұйымдастырушылар алдағы уақытта мұндай жағдайлардың алдын алу үшін шаралар қабылдайды.
Осы жағдайға байланысты нақтылай кетсек, бұл күні мәдениет орталығында концерттік бағдарлама ұйымдастырылып, белсенді тұрғындар сыйлықтармен және ақшалай сертификаттармен марапатталды.
Екінші қабатқа өз бетімен көтеріле алмаған адамдарға көмек ұйымдастырылды», — деп хабарлады әкімдікте.
Бұл демалыс орнында пандустардың жоқтығына да әкімдіктегілер түсініктеме берді.
«Мүгедектігі бар жандарға арналған демалыс базасының ғимаратында бейімдеу жұмыстары жүргізілді, бірақ 1960 жылдары салынған ғимараттың екінші қабатына пандус орнатуға техникалық мүмкіндік жоқ», — делінген хабарламада.
