Астана прокуратурасы бұрынғы жеке сот орындаушыларының ақша жымқыру фактілерін анықтады.
Бас прокуратураның ресми өкілі Дархан Дүйсембайдың айтуынша, екі сот орындаушысы қызметін тоқтатқанымен, жарты жыл ішінде 87 балаға алимент төлеуге арналған қаражатты игерген.
«Мәселен жеке сот орындаушысы балалар үйіндегі екі баланың екінші топтағы мүгедектігі бар әкелерінің аударған алиментін өздеріне алып алған. Тағы бір жеке сот орындаушысы қайтыс болған алимент төлеушінің ақшасын банктен шығарып алып жұмсап жіберген. Жиыны 5 миллион теңге ұрланған», — делінген хабарламада.
Прокурорлардың араласуынан кейін 34 балаға келтірілген шығын өтелді, қалғандары бойынша жұмыстар жалғасуда.
Алаяқтық және қызмет бабын асыра пайдалану фактілері бойынша сотқа дейінгі тергеу амалдары жүргізілуде.
