Таразда тұрғын үй кезегіне тұру мүмкіндігі үшін алаяққа қомақты сома берген.
Жамбыл облысы полиция департаментінің баспасөз қызметінен хабарлағандай, Тараз қаласының тұрғыны мүгедектігі бар баласы 600 мың теңгеге пәтер кезегіне қоюға уәде еткен.
— Тараз полициясына 56 жастағы жергілікті тұрғын арызданған. Ол оңалту орталығында жұмыс істейтінін, сол жерде жазда мүгедектігі бар баласын баспана кезегіне қоюға уәде еткен науқасты кездестіргенін айтты. Бұл қызметі үшін ол 600 мың теңге сұраған. Белгіленген соманы алған әйел біраз уақыттан кейін байланысқа шығуды тоқтатты, деп хабарлады ведомствоның баспасөз қызметі.
Аталған факті бойынша ҚР Қылмыстық кодексінің 190-бабы 1-бөлігі (алаяқтық) бойынша сотқа дейінгі тергеу басталды.
Жедел іздестіру шараларының нәтижесінде полиция қызметкерлері облыс орталығының 63 жастағы тұрғынын анықтап, ұстады. Ұсталған азамат өз кінәсін толық мойындап, жасаған әрекетіне өкінді. Қазір тергеу жүргізілуде.
Күдіктіге «Алаяқтық, яғни бөтеннің мүлкін ұрлау немесе алдау немесе сенімді теріс пайдалану арқылы бөтеннің мүлкіне құқықты иемдену» бабы бойынша 1000 АЕК мөлшерінде айыппұл салу, немесе түзеу жұмыстары, немесе қоғамдық жұмыстарға 600 сағатқа дейін тарту жазасы қарастырылған.
Сондай-ақ, екі жылға дейінгі мерзімге бас бостандығын шектеуге немесе мүлкі тәркіленіп, сол мерзімге бас бостандығынан айыруға болады, деп түсіндірді Жамбыл облысы полиция департаментінің баспасөз қызметі.
