Биыл Республика күнін мерекелеу аясында елордада 200-ден астам мәдени-ағартушылық, спорттық және қоғамдық іс-шаралар өткізу жоспарлануда. Концерттер тек қаланың орталық алаңдарында ғана емес, сонымен қатар қаланың бес ауданының елді мекендерінде де өтеді, деп хабарлайды Астана әкімдігінің ресми сайты.
Алдағы іс-шараларға мерекелік концерттер, автошерулер, көрмелер, балаларға арналған көрікті жерлерге экскурсиялар, дөңгелек үстелдер, ұлттық спорт түрлерінен турнирлер, халықтың әлеуметтік осал топтарына азық-түлік себеттерін тарату және т.б. кіреді.
Іс-шаралар орталық алаңдар мен ірі нысандарда, сондай-ақ тұрғын аудандарда, білім беру ұйымдарында және т.б. орындарда жоспарланған.
Сонымен бұл күндері аудан әкімдіктерімен бірлесіп, қаланың бес ауданындағы елді мекендерде мерекелік концерттер өтеді:
Сарыарқа ауданы — Көктал -2 тұрғын алабы (Қорғалжын алаңы) сағат 12.00;
Байқоңыр ауданы — Өндіріс тұрғын алабында сағат 12:00;
Алматы ауданы — Интернациональный тұрғын алабы (Мекере көшесі 2/1) сағат 12.00;
Есіл ауданы – Пригородный тұрғын алабында сағат 12.00;
Нұра ауданы — Жағалау шағын ауданы (Сығанақ-Айтматова алаңы) сағат 12:00.
Естеріңізге сала кетейік, Республика күнін мерекелеу қарсаңында елордалықтар «Менің елім – менің туым!» бұқаралық челленджін бастаған болатын. Осылайша Астананың бес ауданында 1000-нан астам жалау терезелер мен балкондарға және көше бойларына ілінген.
