Қазақстанда 2023 жылдың тоғыз айында әлеуметтік осал топқа жататын қазақстандықтардың құқықтарын бұзғаны үшін 338 айыппұл салынды.
30 қазанда Қазақстан Республикасы Еңбек және халықты әлеуметтік қорғау министрлігінің баспасөз қызметі хабарлағандай, Қазақстан Республикасы Еңбек және халықты әлеуметтік қорғау министрлігі Еңбек және халықты әлеуметтік қорғау комитетінің аумақтық департаменттері 2023 жылдың тоғыз айында 1268 тексеру жүргізілді. Олар әлеуметтік жағынан осал азаматтардың, соның ішінде мүгедектігі бар жандардың құқықтары қалай сақталатынын анықтады.
Тексеріс нәтижелері көңіл көншітпейді: тіпті ондаған емес, жүздеген заң бұзушылықтар болды. Комитет заң бұзушылықтарды жою туралы 875 ұйғарым шығарып, жалпы сомасы 74 миллион теңгеден астам 338 айыппұл салды.
Сонымен қатар Әлеуметтік кодекс күшіне енгеннен кейін әлеуметтік инспекторлар тарапынан 639, оның ішінде 347 жоспардан тыс тексерулер ұйымдастырылған. Олар мектептерден, жұмыспен қамту орталықтары мен емханалардан бастап «Қазпошта» бөлімшелеріне, кафелер мен шаштараздарға дейін жүздеген нысандарды тексерді. Нәтижесінде көптеген заң бұзушылықтарды анықталды. Түркістан облысындағы Шымкент қаласының тұрғынының өтініші бойынша үш шипажай тексеріліп, аталмыш сауықтыру орындарына мүмкіндігі шектеулі жандардың қолы жетпейтін болып шықты.
Барлық анықталған бұзушылықтар бойынша анықталған мәселелерді шешудің нақты мерзімдері көрсетілген ұйғарым шығарылды.