2023 жылдың басынан бері Әлеуметтік қызметтер порталы арқылы мүгедектігі бар жандарға 383,2 мыңға жуық техникалық оңалту құралдары, 7,5 мың ымдау тілі қызметтерін, 25,5 жеке көмекші, 66,5 мыңы санаторий-курорттық ем алды.
Портал мүгедектігі бар жандарға техникалық жабдықтар мен оңалту қызметтерін өндіруші мен жеткізушіні өз бетінше таңдауға мүмкіндік береді.
Көмек көрсету түріне тапсырыс беру көрсетілетін қызметті алушының электрондық цифрлық қолтаңбасын растау арқылы жүзеге асырылады. Тапсырыс берілген техникалық оңалту құралдарын жеткізу немесе алып кету арқылы алуға болады.
Мүгедектігі бар жандарды оңалту құралдарымен қамтамасыз ету протездік-ортопедиялық, есту аппараттарымен, тифлотехникалық және гигиеналық құралдармен, сондай-ақ мүгедектігі бар жандар арбаларымен қамтамасыз етуді қамтиды.
Бүгінгі таңда Порталда 868 арнаулы әлеуметтік қызметтер көрсету орталығы (бөлімшелері), 513 техникалық оңалту құралдары провайдері, 28 мыңнан астам жеке көмекші қызметтерін көрсетушілер, 712 ымдау тілі және 109 санаторий-курорттық емдеушілер тіркелген.
«Әлеуметтік қызметтер порталы» автоматтандырылған ақпараттық жүйесін енгізу мүгедеетігі бар жандардың құқықтарын қамтамасыз ету және өмір сүру сапасын арттыру жөніндегі ұлттық жоспарды іске асыру шеңберінде қарастырылған.
Бұрын хабарланғандай, Қазақстан Республикасының Әлеуметтік кодексін іске асыру шеңберінде жергілікті атқарушы органдардың жанынан құрылған Портал комиссияларына жаңа өкілеттіктер беру көзделген:
* мүгедектігі бар жандардың сапасыз өнімге немесе қызметке қатысты өтініштерін 5 күн ішінде қабылдау және қарастыру;
* жеткізушіге өтінім жіберу және оның орындалуын бақылау;
* жеткізушіні Порталдан шығару және оны жосықсыз жеткізушілер тізіміне енгізу туралы шешім қабылдау.
Порталды пайдалану бойынша кеңесті 1414 бірыңғай нөмірі арқылы қол жеткізуге болатын қолдау көрсету орталығынан алуға болады.
