Қазақстанда мүгедектігі бар адамдар толыққанды әлеуметтік-экономикалық қолдауға сене алады.
Қазақстан Республикасында мүгедектігі бар адамдар Қазақстан Республикасының Конституциясында, Қазақстан Республикасының әлеуметтік кодексінде және басқа да заңнамалық актілерде бекітілген әлеуметтік-экономикалық және жеке құқықтары мен бостандықтарының толықтығына ие. Сонымен қатар, мүгедектігі бар адамдарға әлеуметтік қорғау құқығына кепілдік беріледі.
Халықты әлеуметтік қорғаудың көп деңгейлі жүйесі шеңберінде мүгедектігі бар адам базалық деңгейде бюджеттен мемлекеттік әлеуметтік жәрдемақымен қамтамасыз етіледі, қосымша жұмыс істейтін азаматтар үшін Мемлекеттік әлеуметтік сақтандыру қорынан еңбекке қабілеттілігінен айырылу бойынша әлеуметтік төлем жүзеге асырылады және кәсіптік еңбекке қабілеттілігінен айырылған кезде төлемдерді сақтандыру компаниялары жүргізеді.
Мүгедектігі бар жандар оңалту бағдарламаларымен және өтемдік техникалық құралдармен қамтылған.
2023 жылғы 1 қыркүйектегі жағдай бойынша 700 мыңнан астам мүгедектігі бар жандарға мемлекеттік қолдау шаралары жүзеге асырылуда.
