Жыл соңына дейін Сәтбаев, 25 мекенжайындағы халыққа қызмет көрсету орталығына да терминал қосылады.
Астанада тағы бес халыққа қызмет көрсету орталығында құжаттама терминалдары орнатылды, оның көмегімен қазақстандықтар өздерінің фотосуреттерін түсіріп, төлқұжатына немесе жеке куәлігіне ең жақсы фотосуретті таңдай алады. Бұл туралы «Азаматтарға арналған үкімет» мемлекеттік корпорациясының баспасөз қызметі хабарлады.
Бұған дейін терминалдар елордадағы Керей, Жәнібек хандар, 4 мекенжайындағы ХҚКО-ның бір кеңсесінде ғана орнатылған. Тағы жеті терминал келесі мекенжайлар бойынша бес халыққа қызмет көрсету орталығында орнатылды:
Мәңгілік ел даңғылы, 30;
Республика даңғылы, 43;
Тәуелсіздік даңғылы, 16/1;
Иманов көшесі, 20;
Серкебаев көшесі, 13.
Жыл соңына дейін Сәтбаев, 25 мекенжайындағы халыққа қызмет көрсету орталығына да терминал қосылады.
«Біз мемлекеттік қызметтерді сапалы және жылдам көрсету үшін жұмыс істеп жатырмыз. Осы мақсатта биыл Астана мен Алматы қалаларындағы халыққа қызмет көрсету орталықтарына терминалдар орнаттық. Іске қосылғаннан бері 10 мыңнан астам өтініш келіп түскен. Жоба қызмет алушылар арасында сұранысқа ие болғандықтан, біз оны кеңейтуді жөн көрдік», — дейді мемлекеттік корпорацияның басқарма төрағасы Арман Кенжеғалиев.
Өздігінен өтініш берген кезде жүйе клиентке суретке түсуді және сәтті фотосуретті таңдауды ұсынады. Осыдан кейін QR коды арқылы мемлекеттік бажды төлеу керек. Терминал азаматтардың жеңілдетілген санаттары баж салығын төлеуден автоматты түрде босатылатындай етіп орнатылған.
