Автотұрақ барлық әлеуметтік нысандар үшін тегін болады, деп атап өтті елорда әкімі.
Астанада әлеуметтік нысандардың, атап айтқанда, ауруханалар мен мектептердің маңындағы автотұрақтар тегін болады, деді елорда әкімі Жеңіс Қасымбек.
Әкім мен қала кәсіпкерлерінің кездесуінде елорда тұрғындары әлеуметтік нысандардағы автотұрақтарды тегін ету туралы ұсыныс айтты.
«Алдағы айда біз тұрақ орындарының орналасуын түбегейлі қайта қарайтын боламыз. Біз әлеуметтік нысандарда, мектептерде, ауруханаларда орналасудан толығымен бас тартамыз, онда мүлдем тегін тұрақ болады. Бірақ ақылы паркинг қаланың трафигін реттеудің негізгі тетіктерінің бірі екенін түсіну керек», – деді Жеңіс Қасымбек.
Әкім жол қозғалысын реттеу мақсатында келесі жылы көлік қозғалысына өзгерістер енгізіп, сол жағалаудағы кейбір көшелерді біржақты ету жоспарланып отырғанын айтты. Дегенмен, қалада азаматтардың қатысуымен қоғамдық тыңдаулар өтетініне сендірді.
Әлеуметтік нысандарға: мектептер, балабақшалар, денсаулық сақтау нысандары, спорт ғимараттары, мұражайлар, сарайлар және мәдениет ошақтары кіруі керек.
