232 мың қазақстандық баспана кезегінен шығарылады. Бұл туралы Индустрия және құрылыс министрі Қанат Шарлапаев айтты.
Мұның себептері әркім үшін әртүрлі. Бұл тізімдегі 90 мың адам соңғы бес жылда баспанаға ие болған. Қалғандарының тіркеу және басқа да құжаттарында қиындықтары бар. Әкімдіктер жұмысқа кірісіп кетті — 1 тамыздан бастап 21,5 мың азамат кезектен шығарылды. Қанат Шарлапаев, ҚР Индустрия және құрылыс министрі:
— Біздің министрлік Цифрлық даму, инновациялар және аэроғарыш өнеркәсібі министрлігімен бірлесе отырып, ағымдағы кезекте тұрғандардың заң талаптарына сәйкестігіне талдау жасады. Алдын ала мәлімет бойынша, 646 мың азаматтың 232 мың азамат кезекте тұрғандар тізімінен шығаруға жатады. Бұл бұл жұмыстың бұрын жергілікті атқарушы органдар тарапынан жөнсіз жүргізілгенін көрсетеді.
