«Елшінің таңдауы» халықаралық кинофестивалі аясында режиссер Алдияр Байракимов түсірген «Паралимпиадашы» қазақстандық көркем фильмі көпшілік назарына ұсынылды.
Фильмнің сюжеті белгілі бір мағынада 2018 жылғы Паралимпиада ойындарының чемпионы, шаңғышы Александр Колядиннің тағдырын қайталайды. Оның «алтыны» қысқы Паралимпиада ойындарындағы Қазақстан спортының тарихында тұңғыш рет болды.
Фильм жергілікті көрермендер мен дипломатиялық корпус өкілдерінің оң бағасын алды. Көрсетілімге келгендер отандық кино актерлерінің өнерін жоғары бағалады. Қазақстанның Сауд Арабиясындағы Елшісі Берік Арын құттықтау сөзінде ұлттық киноиндустрияны дамыту және қазақстандық жас режиссерлердің халықаралық жетістіктері туралы айтты.
Қазақстанның Сауд Арабиясындағы елшілігі жыл сайынғы кинофестивальге үшінші рет қатысып отырғанын атап өту маңызды, бұл дипломатиялық корпус пен қалың жұртшылықты Қазақстанның кино өнерімен таныстыруға мүмкіндік береді. Өткен жылы Қазақстан Елшілігі режиссер Ақан Сатаев түсірген Массагет патшайымы туралы «Томирис» тарихи фильмінің көрсетілімін ұйымдастырып, көрермендердің жақсы бағасын алған болатын.
Кинофестивальге Қазақстанмен қатар Үндістан, Германия, Вьетнам, Мексика, Венесуэла, Австралия, Испания, Бангладеш сияқты елдер қатысуда.
