Академик Батпенов атындағы травматология және ортопедия ұлттық ғылыми орталығының дәрігерлері ресейлік биоинженерлермен бірлесіп робот-көмекшінің көмегімен 5 күрделі ота жасады.
Дәрігерлердің айтуынша, науқастар артроздың соңғы сатысында пайда болатын, науқастың қозғалуы қиындайтын, кейде науқастар толығымен төсекке таңылған кездегі ауырсыну мен буын функциясының бұзылуынан зардап шекті.
Ота үшін арнайы Америкада жасалған бірегей робот жүйесі әкелінді. Зақымдалған аймақты 3D сканерлеудің арқасында хирургпен бірге робот барлық параметрлерді математикалық мінсіз есептей отырып, эндопротезді имплантациялауға мүмкіндік береді.
«Робототехника бізге эндопротезді орнату үшін қажетті мінсіз кесулерді – белгілі бір бұрышта жасауға мүмкіндік береді. Имплантантты мінсіз орнату кезінде отаның инвазивтілігі және асқыну қаупі төмендейді, ауырсыну тезірек жойылады және буындағы қозғалыс ауқымы артады — бұл біздің науқастарымызға ауырсынуды азайтуға және тірек-қимыл аппаратының функциясын қалпына келтіру уақытын қысқартуға мүмкіндік береді.», — дейді эндопротездеу бөлімінің меңгерушісі, медицина ғылымдарының кандидаты Қайрат Әшімов.
Қазіргі уақытта буындарды ауыстыру операциясы (эндопротездеу) әлемде жиі орындалады. Эндопротездеудің мәні – адамның зақымдалған буынын жасанды имплантпен алмастыру, ал эндопротезді дәл орнату керек. Мұндай оталар Қазақстанда жылына 15 мыңнан астам науқасқа жасалады.
Робот көмекшіні тұрақты түрде пайдалану мәселесі әлі де ашық, бірақ дәрігерлер робототехника жақын арада әрбір оталық бөлмеде қолданылатынына сенімді.
