Скринингтік тексеру бағдарламасын жүзеге асыру аясында Денсаулық сақтау министрлігі ерте анықтауға жататын аурулар тізбесін қайта қарады.
Осылайша балалар мен өскелең ұрпақ үшін өмірдің ең маңызды кезеңдерінде міндетті профилактикалық тексерулер ауқымы кеңейтілді және енгізілді: өмірдің 1-ші жылы, балабақшаға барар алдында (3 жаста), мектепке барар алдында және жасөспірімдік шақта бала физиологиялық өзгерістер (14-15 және 16-17 жас) кешіп жатқан кезде.
Өмірінің бірінші жылынан бастап балаларды профилактикалық тексеру мақсатында хирург, невропатолог, офтальмолог (көру өткірлігі), отоларинголог (аудиологиялық тексерулер) тексереді.
Еліміздің ересек тұрғындарының нысаналы тобының арасында артериялық гипертензия, жүректің ишемиялық ауруы, қант диабеті, глаукома, жатыр мойны обыры, сүт безі обыры, тоқ ішек обыры, вирустық гепатит сияқты 8 ауруды ерте анықтау мақсатында скринингтік (профилактикалық) тексерулер жүргізіледі.
Сонымен қатар коронавирустық инфекцияның таралу кезеңін және ауыл және қала тұрғындары арасында медициналық көмек көрсетудегі анықталған теңгерімсіздікті ескере отырып, бүйрек, асқазан-ішек жолдары органдары мен простата обыры, тыныс алу жолдарының ауруларын ерте анықтау мақсатында ауыл тұрғындары арасында профилактикалық тексерулер кеңейтілді.
Сондай-ақ алғаш рет 18 бен 29 жас аралығындағы жастарды профилактикалық тексерулермен қамту енгізілді.
Осылайша, бүгінгі таңда қала тұрғындарының мақсатты тобы үшін 8 ауруды ерте анықтау, ауыл тұрғындары үшін 12 ауруды ерте анықтау бойынша профилактикалық (скринингтік) тексерулер жүргізілуде.
Сонымен қатар 2023 жылдың өткен 9 айында республика бойынша 2,8 миллион ересек адамға профилактикалық (скринингтік) тексеру жүргізіліп, 388 мың адамда түрлі аурулар анықталып, 220 мың адам диспансерлік есепке алынды.
Сонымен қатар 2023-2027 жылдарға арналған Қатерлі ісікке қарсы күрестің кешенді жоспары бекітілді, ол сондай-ақ жасанды интеллект технологиясы мен заманауи технологиялардың көмегімен төмен дозалы компьютерлік томография негізінде өкпе обырын ерте анықтауды зерттеуді көздейді.
Халық арасында профилактикалық тексерулердің дер кезінде аяқталуы аурулардың ерте алдын алуға және мүгедектіктің алдын алуға ықпал етеді.
