Елорданың қоғамдық көлігінде Bluetooth арқылы жол ақысын төлеудің тағы бір тәсілі туралы CTS хабарлады, делінген Астана әкімдігінің ресми сайтында
Осылайша, жолаушылар автобустың жол ақысын Bluetooth арқылы төлей алады. Мұны Avtobys мобильді қосымшасы арқылы жасауға болады.
Ол үшін сізге Avtobys мобильді қосымшасын жүктеп алып, телефон нөміріңіз арқылы оған тіркеліп, теңгеріміңізді толтырыңыз (әмиянды таңдап, ұсынылған әдістердің бірін пайдаланып толықтыру).
Қосымшаның балансын QIWI, kassa24 төлем терминалдары, электронды әмияндар, интернет-банкинг арқылы толтыруға болады.
Bluetooth арқылы жол жүру ақысын төлеу үшін телефонда Bluetooth қосу керек, қолданбаға өтіп, Bluetooth белгішесін басып, маршрутты таңдап, төлемді растау керек.
Айта кетейік, әзірге бұл төлем әдісі жол ақысын төлеудің жаңа электронды жүйесімен жабдықталған автобустарда қолжетімді.
