Тараздағы көпқабатты үйлерде мүгедектігі бар жандарға арналған алғашқы электр пандусы орнатылды. Олар «Арай» және «Ұлы Дала» шағын аудандарындағы бес көпқабатты үйдің кіреберісінде пайда болған.
Автоматты көтергіштер ерекше қажеттіліктері бар тұрғындарға өз бетінше көтерілуге мүмкіндік береді. Олар апаттық түймемен жабдықталған. Орнатар алдында пандустар бір жыл бойы тиімділік пен қауіпсіздікке сынақтан өтті. Жергілікті биліктің қорытындысына сәйкес, көтергіштер беріктік сынағынан өтті. Оларға жұмсалған қалалық бюджет шығыны 7 миллион теңгені құрады.
Мамандар мұндай пандустарды қажет ететін мүмкіндігі шектеулі жандардың тізімін алдын ала жасап қойған. Бұл бағыттағы жұмыстар жалғасуда.
Гүлмира Арқабаева, бірінші топтағы мүгедек:
— Бұрын далаға шығып, үйге оралу өте қиын болатын. Маған үнемі біреуден көмек сұрауға тура келетін. Енді мен өзім де далаға шыға аламын, өйткені бізде электрлік пандус орнатылған. Барлығыңызға көп рахмет.
Бақытжан Орынбеков, Тараз қаласының әкімі:
— Келесі жылға беске жуық жоспар жасап отырмыз. Барлық кіреберіс бізге мұндай мүмкіндікті бермейді. Сондықтан біз өндірушіге ескі үйлерге орнатуға мүмкіндік беретін электронды пандустардың жаңа дизайнын қарастыру үшін жүгіндік. Бірақ жалпы, қазір салынып жатқан жаңа үйлердің жобасында бұл пандустарды орнатуды қарастырып қойғанбыз.
