Мүгедектігі бар адамдарды Samruk-Kazyna жұмысқа орналастыра бастайды
«Әр қалада біздің ерекше азаматтарымыз үшін орын бар» — «Samruk-Kazyna» Қорының басшысы
«Samruk-Kazyna» Қорының арқасында мүгедектігі бар жандар жұмысқа орналаса бастайды.
Астанада «Samruk-Kazyna Trust» әлеуметтік жобаларды дамыту қорының бірыңғай операторының ІІ Корпоративтік қайырымдылық форумы өтті.
Қор басшысы Нұрлан Жақыповтың айтуынша, 2024 жылы қор әлеуметтік қолдау саласындағы дамудың жаңа кезеңіне өту, атап айтқанда, еліміздің барлық дерлік өңірінде бар «Samruk-Kazyna Trust» АҚ қолдау көрсететін орталықтарда оңалтудан өткен ерекше балаларды жұмысқа орналастыруды жоспарлап отыр.
«Әр компанияда, әр қалада біздің қоғамның ерекше мүшелеріне орын бар», — деп атап өтті Қор басшысы Нұрлан Жақыпов.
Өз сөзінде «Самұрық-Қазына» АҚ Басқарма Төрағасы 2024 жылы Қордың назары инклюзивтілік, денсаулық сақтау, креативті индустрия, спорт және білім сияқты өзекті әлеуметтік үрдістерге аударылатынын атап өтті.
