«Samruk-Kazyna Trust» Қоры 2024 жылы Инклюзияны дамытуға ерекше назар аударды
Бұл ақпарат «Самұрық-Қазына» АҚ компаниялар тобының бірыңғай қайырымдылық операторы – «Samruk-Kazyna Trust» әлеуметтік жобаларды дамыту қорының 2023 жылға арналған жұмысын қорытындылауға арналған іс-шарада белгілі болды.
Биылғы жылы инклюзия, денсаулық сақтау, креативті индустрия, спорт және білім беру сияқты ең өзекті әлеуметтік тенденцияларға назар аударылады. Аралас сипаттағы оңалту орталықтары, мүмкіндігі шектеулі жандарды жылдам кәсіпке үйрету сияқты бағыттар өзекті болып қала береді, халықаралық стандарттарға сәйкес барлық санаттағы адамдар мен балалар үшін инклюзивті спорт орталықтары мен инклюзивті спорт алаңдарын ашу жалғасуда.
Мемлекет басшысының тапсырмасына сәйкес креативті индустрия саласында жобаларды жүзеге асыру жоспарлануда.
Осылайша, қор халық игілігіне жарайтын ауқымды қадамдарды жүзеге асырып, өмір сүру сапасын арттыруға ден қояды. Бүгінде бірыңғай қайырымдылық операторы «Samruk-Kazyna Trust» Қорының тікелей қолдауымен жыл бойына Қазақстан бойынша инклюзия және медицина саласында 97 мың балаға қолдау көрсетілді.
