Мемлекеттік қолдау: Астанада ерекше қажеттіліктері бар мектеп жасына дейінгі балаларға қызмет көрсету аясы кеңейеді
Астанада ерекше білім беру қажеттіліктері бар мектеп жасына дейінгі балаларға мемлекеттік қызмет көрсету саласы кеңейеді.
Бұл туралы елордалық коммуникациялар қызметінде өткен брифингте Білім басқармасының басшысы Қасымхан Сенғазиев мәлім етті, деп хабарлайды қала әкімдігінің ресми сайты.
Басқарма басшысының айтуынша, өткен жылы 4 балабақшада (№54, №60, №66, №95) эмоционалдық-еріктік және мінез-құлқы бұзылыстары (аутизм) бар балалар үшін инклюзивті қолдау кабинеттері ашылды.
«2024 жылы 4 балабақшада (№35,63,86,98) және 4 шағын орталықта (№8, №11, №30,№76) инклюзивті қолдау кабинеттерін ашу жоспарлануда. Алғаш рет биылғы жылдың 1 қаңтарынан бастап ата-аналарға ыңғайлы болу үшін birge.astana.kz сайты арқылы елордадағы 8 психологиялық-медициналық-педагогикалық кеңес беру кабинетіне онлайн тіркелуге болады», — деді Қасымхан Сенғазиев.
