Мүгедектігі бар Астаналықтар тұрақ ақысын төлеуден босатылды
Мүмкіндігі шектеулі жандар енді көліктерін ақылы тұрақтарға тегін қоя алады. Олар енді айыппұлдар туралы хабарлама алмайды, деп сендірді Нұра аудандық прокуратурасының аға прокуроры Азамат Қазбеков.
Мүгедектігі бар адамдардың 4636 көлік құралы жеңілдіктер тізіліміне енгізілді.
Азамат Қазбеков, Астана қаласы Нұра ауданы прокуратурасының аға прокуроры:
– Астана қаласы Нұра ауданының прокуратурасы мүмкіндігі шектеулі жандардың құқықтарының сақталуына талдау жүргізді. Прокурорлық қадағалау актісімен бала кезінен мүгедектігі бар және І және ІІ топтағы мүгедектігі бар жандардың есепте тұрған 4636 көлік құралы анықталып, жәрдемақы алушылардың тізіліміне енгізілді. Осылайша, азаматтардың аталған санаттары тиісті жол белгілерімен немесе таңбаларымен белгіленген орындарда көлік тұрағы үшін ақы төлеуден, сондай-ақ оларға автоматты түрде әкімшілік айыппұл салудан босатылады.
Тегтер: Астана, мүгедектігі бар жандар, көлік тұрағы, жеңілдік.
