Мемлекет басшысы Қасым-Жомарт Тоқаев Қазақстан халқын Отан қорғаушылар күнімен құттықтады.
Мемлекет басшысы Қасым-Жомарт Тоқаевтың Отан қорғаушылар күнімен құттықтауы.
«Құрметті отандастар!
Сіздерді Отан қорғаушылар күнімен құттықтаймыз!
Бұл мерекенің еліміздегі бейбітшілік пен тыныштық құндылықтарын нығайту үшін маңызы зор.
Әскери борышын өтеуде шынайы патриотизм айқын көрінеді, өйткені Отаны мен халқына аянбай қызмет ету – әрбір саналы азаматтың қасиетті борышы.
Қазақстан ұлттық мүдделерді қорғауға, аумақтық тұтастықты сақтауға, қоғамдағы тұрақтылықты қамтамасыз етуге басты назар аударады. Ержүрек армиямыз ел егемендігінің кепілі, мемлекеттігіміздің мызғымас тірегі болып қызмет етуде.
Біз Қарулы Күштердің әлеуетін оқу-жаттығу жиындарында ғана емес, нақты жедел тапсырмаларды орындау барысында да көріп отырмыз. Жақында болған ауқымды су тасқынымен күрестің алдыңғы шебінде солдаттар мен офицерлер болды. Олар өздеріне жүктелген жауапты істі мүлтіксіз атқарып, нағыз патриотизмнің лайықты үлгісін көрсетті.
Еліміздің қорғаныс қабілетін нығайту, әскери қызметшілерді қолдау – мемлекеттік саясаттың тұрақты басымдықтары.
Қарулы Күштеріміз аман болсын!
Барлығына зор денсаулық пен амандық тілеймін!».
