Павлодарда мүгедектігі бар қызды 1 миллион теңгеден астам сомаға алдап кеткен
Жас келіншек әуесқой бәс тігуші алаяқтың құрбаны болды.
Павлодарда психикалық денсаулығынан мүгедектігі бар қызды миллионнан астам теңге алдап кеткен.
Жас келіншектің аулада танысқан жаңа танысы оны суретке түсіріп, оның атына түрлі микроқаржы ұйымдарынан 800 мың теңгеден астам сомаға несие рәсімдеген. Осыдан кейін ер адам жәбірленушіні дүкенге ертіп апарып, оның атына 350 мың теңгеге iPhone телефонын несиеге алғызған.
Сондай-ақ қаскүнем қыздың банк картасынан 80 мың теңгеге жуық ақшасын да алып кеткен.
Жәбірленуші полицияға хабарласқан.
Күдікті тез арада табылып, үйқамақта тергеу жұмыстарының нәтижесін күтуде. Аталған деректер бойынша алаяқтық және ұрлық баптары бойынша қылмыстық іс қозғалды.
Полицейлер атап өткендей, күдікті бәс тігуге әуес болып шықты.
Микроқаржы ұйымдарынан несиеге алған ақшамен букмекерлік кеңселердегі қарызын жауып тастаған.
