Бағдарлама үш жылға есептелген, зейнеткер өз өтініші бойынша келісімшартты бұза алады.
Зейнеткерлердің жұмысқа орналасу мүмкіндіктерін кеңейтуге бағытталған «Алтын жас» бағдарламасына кімдер қатыса алатыны туралы Алматы қалалық Жұмыспен қамту және әлеуметтік бағдарламалар басқармасының басшысы Бауыржан Жаубасов айтып берді.
Бағдарлама үш жылға созылады. Бұл жағдайда зейнеткер санкция қолданбай-ақ, өз өтініші бойынша келісімшартты бұза алады. Қызметкерлерге жұмыс кестесінің үш түрі ұсынылады:
— толық жұмыс күні;
— қашықтан;
— икемді.
Зейнет жасындағы мыңнан астам алматылық қатысқан сауалнама қорытындысы бойынша олардың 48 пайызы жұмысқа орналасуға дайын болып шықты. Олардың 45%-ы қосымша табыс тапқысы келсе, 40%-ы білім беруді, 15%-ы қоғамға пайдалы болғысы келетінін білдірген.
Сауалнамаға қатысқан 700 жұмыс берушінің шамамен 40 пайызы зейнеткерлерді жұмысқа алуға дайын.
«Қатысушылардың күтілетін жасы – әйелдер – 61 жас, ерлер – 75-80 жас.
Жұмысшылар оңтүстік астанада тіркелуі керек.
Бұған дейін бағдарламаның айрықша ерекшелігі жалақыны субсидиялау болып табылатыны айтылған болатын. Жұмыс берушілер белгіленген жалақының кемінде 50 пайызын төлеуге міндетті. Қалған бөлігі ең төменгі жалақыға дейін (2024 жылға 85 000 теңге) жергілікті бюджеттен субсидияланады.
