Растау үшін WhatsApp ботына кез келген абоненттік нөмірді жіберуге болады.
Алаяқтардың нөмірін анықтайтын WhatsApp ботын астаналық прокуратура әзірледі.
Бұл жоба тауарды сатып алу немесе сату, сондай-ақ әртүрлі қызметтерді алу кезіндегі алаяқтық әрекеттерден қаржылық шығындар мен басқа да жағымсыз салдарлардың тәуекелдерін барынша азайтуға көмектесетіні хабарланды.
Кез келген абоненттік нөмірді 8 (747) 680-02-10 нөміріне жіберіп, оның алаяқтық әрекеттерін тексеруге болады.
Дерекқордағы телефон нөмірлерінің тізімін пайдалана отырып, бот сұралған абоненттік нөмірді талдайды. Бұл нөмірді қылмыстық мақсатта пайдалану тарихы ескерілген.
Бас прокуратура 10 минут ішінде 500-ден астам адам ботқа көмек сұрағанын атап өтті. Сұраныстардың көп болуына байланысты бот жұмысында ақаулар болуы мүмкін. Егер бот қажетті жауапты бермесе, пайдаланушыларға күту және әрекетті қайталау ұсынылады
