Іс-шара қонақтарына қоғамдық көлікті пайдалану ұсынылады.
6 шілдеде Астанада Елорда күніне орай мерекелік шаралар өтетін жерге арнайы бағдар автобустары қатынайтын болады, деп хабарлады қала әкімдігі.
18.00-де ЭКСПО аумағында ашық аспан астындағы мерекелік концерт басталады. Одан кейін шамамен 22.15-22.30 шамасында іс-шара қонақтарына дрондардың жарық шоуы ұсынылады.
Ұлы Дала – Түркістан – Рысқұлов – Ақмешіт көшелері алаңындағы көлік қозғалысы шектеледі. Әкімдік шараға қатысуға ниет білдірушілерге кептелістерді болдырмау үшін жеке көліктердің орнына көрсетілген автобустарды пайдалануға кеңес берді.
«Жеке көлікті қалдырып, бағдар автобустарына тасымалдауға болатын екі тегін көлік тұрағы болады», — деп атап өтті әкімдік.
Бұл тұрақтар Мәңгілік Ел, 65, Тұран, 57, «Барыс Арена» бойындағы Бас мешітте орналасқан.
1250 ұшқышсыз ұшу аппаратын іске қосу жоспарлануда, оның ішінде 70 пиротехникалық аппарат болады. Қойылым атақты композиторлардың, соның ішінде қазақ композиторларының әндерімен сүйемелденеді. Аталмыш шоу демеушілердің қаражатына өткізіледі.
