Әлеуметтік кәсіпкерлер кімді жұмысқа ала алады: тізім жаңартылды
Ұлттық экономика министрлігінің 2024 жылғы 29 маусымдағы бұйрығымен Әлеуметтік кәсіпкерлік субъектілерінің тізілімін жүргізу қағидаларына өзгерістер мен толықтырулар бекітілді.
Атап айтқанда бірінші санаттағы әлеуметтік кәсіпкерлік субъектісін жұмысқа қабылдауға құқығы бар тұлғалардың тізімі кеңейтілді.
Олар:
• мүгедектігі бар азаматтар;
• мүгедектігі бар баланы тәрбиелеп отырған ата-аналар мен басқа да заңды өкілдер;
• зейнеткерлер мен зейнеткерлік жастағы азаматтар (зейнеткерлік жасқа дейінгі бес жыл ішінде);
• балалар ауылының тәрбиеленушілері және балалар үйлерінің, жетім балалар мен ата-анасының қамқорлығынсыз қалған балаларға арналған мектеп-интернаттардың түлектері — 29 жасқа дейінгі (бұрын 23 жасқа дейін болған);
• қылмыстық-атқару (пенитенциарлық) жүйе мекемелерінен жазасын өтеуден босатылған адамдар – босатылғаннан кейін 60 ай ішінде (бұрын 12 ай болатын);
• қылмыстық-атқару (пенитенциарлық) жүйе мекемелерінде жазасын өтеп жатқан және пробация қызметінің есебінде тұрған адамдар;
• тұрақты тұрғылықты жері жоқ адамдар;
• аз қамтылған, көп балалы немесе толық емес отбасыларға жататын ата-аналарға және басқа да заңды өкілдерге, сондай-ақ марапатталған көп балалы аналарға;
• нашақорларды медициналық-әлеуметтік оңалтудан өткен немесе психоактивті заттарға тәуелділіктен емделген адамдар – оңалтудан немесе емделгеннен кейін 12 ай ішінде;
• кандастар.
Бұйрық 2024 жылғы 16 шілдеден бастап қолданысқа енгізіледі және 2024 жылғы 8 маусымнан бастап туындаған құқықтық қатынастарға қолданылады.
