Астана қаласында Спорт күніне арналған жаппай велошеру өтеді

18 тамызда елордада Спорт күніне арналған жаппай велошеру өтеді, деп хабарлайды Астана әкімдігінің ресми сайты.Велосипедшілер айналма веложолдан (Қосшыға қарай жол бойымен) 25 шақырым жерден бастап, «Жасыл белдеу» Ильинка (Үркер) тұрғын алабының саябағында мәреге жетеді.

Веложарысқа қатысуға ниет білдіргендерді тіркеу сағат 07:00-ден 08:00-ге дейін жалғасады. Жарыс 08:00 басталады. Қатысушы өзі велосипедпен келуі керек. Тегін тіркелу.

Жарыс аяқталғаннан кейін мәре сызығында тіркелген қатысушылар арасында лотерея мен бағалы сыйлықтар ойнатылады.