Сондай-ақ отандық өндіруші аз қамтылған отбасы балаларына, ерекше қажеттіліктері бар балаларға, сондай-ақ үш және одан да көп баланы киіндіретіндерге 20 пайыздық жеңілдік ұсынады. Биыл су тасқынынан зардап шеккендер де 20 пайыздық жеңілдік ала алады.
Айта кетейік, Елорда әкімдігінің қолдауымен өткен Kids EXPO.«Балалар елімі» көрмесі акциясында аз қамтылған отбасылардан шыққан 40 оқушыға тегін рюкзактар табысталды. Олардың арасында тағы екі бала тәрбиелеп отырған астаналық Рахия Нұрлыбаеваның ұлы да болды. Оның айтуынша, бір баланы мектепке дайындауға мектеп формасы мен оқу құралдарын қосқанда шамамен 60 мың теңге қажет. Үш балаға жылына шамамен 150-160 мың теңге жұмсалады.
Астананың тағы бір тұрғыны Құралай Ілиясова жыл сайын баласын мектепке дайындау үшін 100 мың теңгеге жуық қаржы жұмсайтынын айтады.
Естеріңізге сала кетейік, 1 тамыз бен 31 тамыз аралығында Астананың әртүрлі жерлерінде мектеп жәрмеңкелері өтуде.
