2024 жылғы Паралимпиада ойындарында Қазақстан намысын қорғайтын атқыш белгілі болды
Париждегі Паралимпиада ойындары қарсаңында пара атудан Қазақстан намысын қорғайтын спортшының есімі белгілі болды.
ҚР Туризм және көлік министрлігінің мәліметінше, «Кедергісіз жеңіске жету» жобасының кейіпкері Еркін Ғаббасов болды.
Ағымдағы жылдың наурыз айында Нью-Делиде (Үндістан) өткен Әлем кубогында Еркін жұптық сайыста екінші орын алып, 2024 жылы Парижде өтетін Паралимпиада ойындарына жолдаманы қамтамасыз етті.
Сәуір айында жерлесіміз Оңтүстік Кореяда өткен әлем чемпионатында жеңіске жетті. Еркін көптеген халықаралық байқаулардың жеңімпазы мен жүлдегері.
Спортшы Парижде өтетін Паралимпиада ойындарында жақсы нәтиже көрсетіп, жүлделі орындарға ие болу үшін бар күш-жігерін салатынына уәде берді.
Бұған дейін 17-ші Жазғы Паралимпиада ойындарының ашылу салтанатында Қазақстан делегациясының ту ұстаушысының есімін ҚР Ұлттық паралимпиада комитетінің президенті Қайрат Боранбаев мәлімдеген болатын.
