30 тамызда Қазақстан Президенті Қасым-Жомарт Тоқаев отандастарын Конституция күнімен құттықтады.
Президент атап өткендей, Негізгі Заң – мемлекеттігіміздің берік іргетасы, еліміздің прогрессивті және тұрақты дамуының сенімді кепілі. Конституция мемлекет пен қоғам өмірінің негіздерін анықтай отырып, азаматтардың мүдделерін, құқықтары мен бостандықтарын бірінші орынға қояды. Сондықтан Қазақстанда жүргізіліп жатқан барлық реформалардың мақсаты – халықтың әл-ауқаты.
«2022 жылғы конституциялық реформаның нәтижесінде елде демократияландырудың кешенді процесі басталды, саяси жүйені жаңғырту үшін жағдай жасалды, адам құқықтары жөніндегі уәкілдің мәртебесі күшейтілді ұлғайтылды, ол бүгінде заң үстемдігін орнатуға толық ықпал етіп отыр», — делінген құттықтауда.
Тоқаев Конституцияның әділ және келісімді қоғам негізге алатын заңдылық пен құқықтық тәртіпті қамтамасыз ету функциясын күшейткенін атап өтті. Негізгі Заңды құрметтеп, мүлтіксіз орындау – жоғары азаматтық жауапкершілік пен шынайы патриотизмнің айқын көрінісі.
«Конституцияның мәңгілік құндылықтарына сүйене отырып, біз Әділ Қазақстан – барлығына тең мүмкіндіктер мемлекетін құрайтынымызға сенімдімін», — деп атап өтті Қасым-Жомарт Тоқаев.
