Олжас Бектенов 2025 жылдың 1 қаңтарынан бастап «әлеуметтік әмиянды» енгізуді тапсырды

Олжас Бектенов 2025 жылдың 1 қаңтарынан бастап «әлеуметтік әмиянды» енгізуді тапсырды

Үкімет басшысы Олжас Бектенов Мемлекет басшысының Жолдауын орындау аясында «әлеуметтік әмиянды» іске қосу мерзімін атап өтті, деп хабарлайды ҚР Үкіметінің баспасөз қызметі.
Үкімет отырысында Премьер-Министр Олжас Бектенов жұмыстың басым бағыттарын айқындап, Мемлекет басшысының Жолдауын жүзеге асыру аясында Цифрлық даму министрлігінің нақты нәтижелерге қол жеткізуінің нақты мерзімдерін белгіледі.
1 желтоқсанға дейін Цифрлық даму министрлігі цифрлық төлем құжатына енгізілетін мемлекеттік қызметтердің тізілімін бекітуі керек. 2025 жылдың 1 қаңтарынан бастап еңбек, денсаулық сақтау, білім министрліктерімен, облыс әкімдіктерімен бірлесіп, оның орындалуын қамтамасыз ететін боламыз.
Қажетті заңнамалық өзгерістерді енгізу бойынша жұмыс ағымдағы жылдың соңына дейін аяқталуы тиіс, деді Премьер-Министр.
«Электрондық үкімет» платформасына жасанды интеллект технологияларын енгізу басты міндеттердің бірі болып табылады. Бұл жұмыстың алғашқы нәтижелері ағымдағы жылдың желтоқсан айында берілуі тиіс, деді Премьер-Министр.
«Әлеуметтік әмиянды» енгізу қазақстандықтарға банктік карталарды пайдаланудың балама нұсқасын береді және оған жинақталған қаражатты банктердің, инкассаторлардың және салық органдарының өндіріп алуларынан қорғауға мүмкіндік береді.
Бұрын хабарланғандай, Қазақстан Республикасының Президенті Қасым-Жомарт Тоқаев 2 қыркүйекте Қазақстан халқына Жолдауында сөйлеген сөзінде қазіргі уақытта қолдау шаралары азаматтардың нақты кірістерін есепке алмай жүзеге асырылып жатқанын атап өтті.
– Көбінесе оларды мұндай көмекке мүлде мұқтаж емес ауқатты отбасылар қабылдайды. Осы жағын ескере отырып, халықты қолдау құралдарын жетілдіру қажет. Үкіметке келесі жылдың басынан бастап «әлеуметтік әмиян» тетігін енгізуді тапсырамын. Мемлекеттік қолдау шынымен мұқтаж азаматтарға бағытталуы керек. Әлеуметтік көмек әділдік, ашықтық және тиімділік қағидаттары негізінде жүзеге асырылуы қажет», — деді Мемлекет басшысы Жолдауында.