Бүгін Парижде өтіп жатқан Паралимпиада ойындарында екі қазақстандық паралимпиадашы медаль жеңіп алды, деп хабарлайды Sports.kz сайты.
Парадзюдодан Ақмарал Науатбек 48 келіге дейінгі салмақта татами иесі Сандрин Мартинетті 10:0 есебімен ойсырата жеңіп, алтын медальға қол жеткізді.
Парадажүзуден Қазақстан өкілі Нұрдәулет Жұмағали 100 метрге брасс әдісімен жүзуден күміс жүлдені жеңіп алды.
Нәтижесінде Қазақстан Паралимпиада ойындарының жалпы медальдік есепте 49-орыннан 34-орынға көтеріліп, бес жүлде – екі алтын, екі күміс және бір қола жүлдеге ие болды.
0
