Астанада мүгедектігі бар адамдардың өмір сүру сапасын жақсартуға арналған стартап-жобаларды іріктеу бойынша хакатон өтті

Астанада мүгедектігі бар адамдардың өмір сүру сапасын жақсартуға арналған стартап-жобаларды іріктеу бойынша хакатон өтті

Astana Hub IT-стартаптар халықаралық технопаркі алаңында мүгедектігі бар адамдардың өмір сүру сапасын жақсарту үшін инновацияларды дамытуға бағытталған стартап-жобаларды іріктеу бойынша екінші хакатон өтті. Іс-шараны ITMLab жобасы аясында ұйымдастырылды, оны ITeachMe қоры мен «Шеврон» компаниясы, ҚР Еңбек және халықты әлеуметтік қорғау министрлігінің қолдауымен жүзеге асырады. Ең ерекше және пайдалы жобалардың бастамашылары оларды іске асыруға гранттар алады.
Хакатонға 50-ден астам адам қатысты, оның ішінде стартапшылар, инженерлер, IT мамандары және мүгедектігі бар азаматтар бар. Қатысушылар мүгедектігі бар адамдардың күнделікті міндеттерін жеңілдету және оңалту үшін озық техникалық шешімдерді әзірледі. Хакатонның басты мақсаты – өзекті қажеттіліктерге жауап беріп қана қоймай, сонымен қатар ерекше қажеттіліктері бар адамдарды қоғамға толық интеграциялау үшін жаңа мүмкіндіктер ашатын инновациялық өнімдерді құру.
«Қазақстан әрқашан технологиялық және цифрлық қайта құрулардың бел ортасында болуға ұмтылады. Біз мұндай іс-шаралар жаһандық тенденцияларға қалмауға мұмкіндік беретінін мақтан тұтамыз. Сіздердің идеяларыңыз, әзірлемелеріңіз және шешімдеріңіз біздің елде ғана емес, одан тыс жерлерде де үлкен өзгерістерге негіз болады. ҚР Еңбек және халықты әлеуметтік қорғау министрлігінің атынан барлық қатысушыларға табыс, жаңа бастамалар және нәтижелі жұмыс тілеймін. Осы хакатон өсуге, тәжірибе алмасуға және шабыт алуға арналған сәттілік алаңы болсын», – деді ҚР Еңбек және халықты әлеуметтік қорғау вице-министрі Асқарбек Ертаев.
Хакатон идеяларды көрсету алаңы ғана емес, сонымен қатар тиімді өзара қарым-қатынас орны болды. Қатысушылар IT-индустрия мен инновациядағы заманауи трендтерді белсенді талқылады, пікірлес адамдармен және кәсіпқойлармен байланыс орнатты.
«ITMLab – бұл жай ғана жоба емес. Бұл идеялар мүгедектігі бар азаматтардың өмірін жақсы жағына өзгертетін шешімдер туындайтын кеңістік. Біз үшін технологияны дамытып қана қоймай, мүгедектігі бар адамдарды қоғамға интеграциялауға көмектесетін өнімдер жасау аса маңызды. Біз осы іс-шарада қатысушылардың әлемді өзгерту жолында бар білімі мен энергиясын салып жатқанын анық көрудеміз. Бұл біздің алға ілгерлеуімізге түрткі болады және жаңа жетістіктерге жағдай жасауға шабыттандырады», – деп атап өтті ITMLab жобасының авторы және жетекшісі Захира Бегалиева.
Іс-шара қорытындысы бойынша 10 команда келесі трекерлік кезеңіне көшті. 4 апта ішінде олар кәсіби оқытушылардың басшылығымен өз идеяларын дамытады.
1,5 ай оқығаннан кейін ең бірегей және пайдалы жобалардың бастамашылары оларды іске асыруға 1 млн теңге көлемінде 6 грант алады. Бұл құралдар технология барлық азаматтардың өмір сүру сапасын жақсартудың маңызды құралы болатын инклюзивті қоғам құруға үлес қосу арқылы ең жақсы идеяларды жүзеге асыруға көмектеседі.