2024 жылдың 5-12 қазаны аралығында Астанада көру қабілеті нашар және зағип спортшылар арасында пауэрлифтинг және жатып сығымдаудан IBSA әлем чемпионаты өтеді.
Бұл айтулы шара Қазақстанда алғаш рет ұйымдастырылып, әр елдің мықты спортшылары бақ сынамақ.
Жарысқа 9 елден 71 спортшы қатысады: Қазақстан, Грузия, Украина, Түркия, Египет, Ливия, Чехия, Израиль және Кения. Барлығы 130 қатысушы келеді, оның ішінде жаттықтырушылар, қамқоршылар және төрешілер бар.
Бұл Қазақстандағы көру қабілеті нашар және мүлде зағип спортшылар арасында өткізіліп жатқан осындай ауқымдағы әлемдік жарыс. Чемпионат еліміздегі мүмкіндігі шектеулі жандардың инклюзиясын қолдау мен спортты дамытудағы маңызды қадам болмақ.
Чемпионатты Қазақстан Республикасы Туризм және спорт министрлігі мен Астана қаласы әкімдігінің қолдауымен Қазақстанның пара-пауэрлифтинг федерациясы мен Қазақстан зағиптар спорты қауымдастығы өткізеді.
