Елордада жыл сайын 187 мыңнан астам азамат әлеуметтік қолдаумен қамтылады. Олардың қатарында жасы ұлғайған зейнеткерлер, Ұлы Отан соғысының ардагерлері, мүгедектігі бар адамдар, ерекше күтімді қажет ететін балалар, көпбалалы отбасылар, «Алтын алқа», «Күміс алқа» алқасымен марапатталған аналар, сондай-ақ аз қамтылған азаматтар бар.
Әлеуметтік көмек мереке және атаулы күндерде бір реттік ақшалай төлем түрінде болады. Бұл көмек түрін қаланың 165 мыңға жуық тұрғыны алады. Жергілікті өкілді органдардың шешімі бойынша 140 мыңнан астам адам тегін қызмет алады – бұл ХӘОТ үшін әлеуметтік көмек, жоғары оқу орындарында оқу ақысын төлеу, қатты отын сатып алуға, газдандыруды қосуға, ауыз қуысын протезге дейінгі тегін санациялау және тіс протездеуге, тегін жол жүруге, коммуналдық қызметтерді төлеуге, атаулы әлеуметтік көмек.
Мәселен, Байқоңыр өңірінде жыл басынан бері «Qazaq oil» мұнай компаниясының қолдауымен «Игі істер марафоны» акциясы аясында 1500 мұқтаж отбасына азық-түлік пакеттері таратылды. Демеушілердің қолдауымен халықтың әлеуметтік осал топтарынан шыққан отбасы 120 тонна көмірмен қамтамасыз етілді, олар: жасы бойынша зейнеткерлер, пешпен жылытылатын жеке тұрғын үйлерде тұратын мүмкіндігі шектеулі адамдар, көпбалалы отбасылар және т.б.
«Мектепке жол» акциясы аясында аудан мектептерінен 1200 оқушыға мектепке қажетті құрал-жабдықтар берілді.
Бұл ретте ана мен баланы әлеуметтік қолдауға ерекше көңіл бөлінуде. Елордада 34 248 көп балалы отбасы тұрады, оның 27 мыңы 4 және одан да көп кәмелетке толмаған балалары бар отбасылар. 7088 анаға «Алтын алқа» және «Күміс алқа» алқалары табыс етілді.
Бүгінде Астанада 2424-тен астам отбасы, оның ішінде 12 мыңнан астам адам АӘК алады.
Бұл ретте Астанада мемлекеттік қызметтерді біріктіретін және «бір терезе» қағидаты бойынша көрсетілетін «Жанұя» отбасы институтын қолдау орталығы жұмыс істейді. Жыл басынан бері мұнда 35 000-нан астам адам 37 000-нан астам сұрақпен хабарласты.
