Алматыда ерекше қажеттіліктері бар балаларды ерте кезеңде қолдау және оңалту бойынша алғашқы орталық ашылды. Перинатология және балалар кардиохирургиясы орталығының базасында «Қамқорлық» ерте араласу орталығы құрылды.
Қала әкімі Ерболат Досаев бүгінде дамуында түрлі ауытқулары бар балаларға, соның ішінде шала туған сәбилерге кешенді қызмет көрсететін жаңа мекемені аралады.
Орталық медициналық, әлеуметтік және білім беру қолдауын, сондай-ақ бірегей емдік кеңістіктерді ұсынады. Мұнда әр балаға жеке оңалту бағдарламасын әзірлейтін мамандар жұмыс істейді. Орталық жылына 600-ге дейін баланы міндетті медициналық сақтандыру бойынша қабылдай алады.
Сонымен қатар, әкім күрделі жөндеуден өткен емханамен және Перинатология және балалар кардиохирургиясы орталығын одан әрі жаңғырту жоспарымен танысты.
