Қостанай мектептері «Әлеуметтік әмиян» пилоттық республикалық жобасына қатысуда. Бұл көп балалы және аз қамтылған отбасы балаларын тамақтандыруды ұйымдастырудың электронды жүйесі. Оқу жылының соңғы тоқсанында облыс орталығындағы бес білім ошағындағы асханалар осы жүйе бойынша жұмыс істеді. №6 мектеп сәуір айынан бастап республикалық «Әлеуметтік әмиян» жобасына қатысып келеді. Жаңа жүйе бойынша мұнда 19 оқушы тамақтанады. Асханаға бару туралы барлық ақпарат автоматты түрде электронды базаға енгізіледі. Татьяна Кандалина, Қостанай қаласындағы №6 жалпы білім беретін мектептің директоры: – Біз бұл балаларға қағаз жүзінде мониторинг жүргіздік. Қазір мұның барлығы электронды түрде жүзеге асады. Барлық ақпарат Face ID көмегімен жазылады. Біз осы кезеңде порция алған балалардың жалпы санын көреміз және сәйкесінше, мектеп азық-түлік жеткізушіге төлеуге тура келетін шығындарды көреміз. Қостанай мектептерінде жергілікті бюджет есебінен 15 мыңнан астам бастауыш сынып оқушылары мен 5-11 сыныптар аралығындағы әлеуметтік қорғалатын топтағы екі мыңнан астам бала тегін ыстық түскі ас ішеді. Олар «Әлеуметтік әмиян» жобасының көмегімен оларға азық-түлікті ұйымдастырудың ашықтығын қамтамасыз етпекші. Ата-аналар асхана мәзіріне де қол жеткізе алады. Екатерина Куркина, Қостанай қаласының тұрғыны: – Бұл бағдарлама ата-аналарға түсінікті, толық ашықтығы мен бақылауы бар өте оңай интерфейс. Балам мектепке кірді ме, түскі асқа барды ма, асын алды ма, сағат неше болғанын кез келген уақытта көре аламын. Оқу жылының соңғы тоқсанында Қостанайдағы бес мектепте «Әлеуметтік әмиян» пилоттық жобасы жүзеге асырылды. Бірнеше артықшылықтар бар дейді қалалық білім бөлімінің өкілдері. Алтынай Бектұрғанова, Қостанай қалалық білім бөлімінің әдістемелік кабинетінің меңгерушісі: – Бұл процесс мектептегі тамақтануды жеңілдетуге, мақсатты және ашық етуге бағытталған. Егер балалардың белгілі бір саны түскі ас ішкен болса, онда бұл сома тек есепке алынады. Егер бала сабаққа қатыспаса, бұл ақша мемлекетте қалады, яғни оны ешкімге беруге болмайды. Алдағы уақытта мектептерде «Әлеуметтік әмиян» пилоттық жобасын енгізудің қорытындысы шығарылады. Егер кері байланыс оң болса, бағдарлама еліміздің барлық мектептерінде жүзеге асырылатын болады.
Қостанай мектептерінде «Әлеуметтік әмиян» сынақтан өтуде
0
