Ақмола облысында 15 мыңнан астам оқушы жазғы лагерьлерде демалады. 2 мыңға жуық балаға жолдама тегін беріледі. Демалушыларды 16 сауықтыру орталығы қабылдайды, оның 11-і жұмысын бастады, қалғандары мектеп оқушыларын қабылдауға соңғы дайындықтарын аяқтауда.
Сандытау ауданындағы лагерь биылғы маусымда жеті жүзге жуық баланы қабылдайды. Бірінші ауысымда 100 оқушы демалып жатыр. Олардың арасында жергілікті балалар да, басқа өңірлерден келген балалар да бар. Олар үшін лагерьдегі әр күн жаңа әсерлер мен жарқын эмоцияларға толы.
БЛИЦ:
— Үйірмелер, мұғалімдер бар… Барлығын өте кәсіби түрде түсіндіреді. Сіз бұл салада қандай да бір жолмен дамымаған болсаңыз да, ештеңе білмеңіз — олар сізге бәрін толықтай айтып береді және сіз осы салада және болашақта дамығыңыз келеді.
— Маған әсіресе ағаш өңдеу, бейнелеу өнері ұнады… Әсіресе, ағаш өңдеумен айналысқан кезімізде – онда гүлдердің түр-түрін жасадық, гитара жасадық. Мен жаңа достар таптым.
Балалар үшін танымдық ойындар мен экскурсиялар өткізіледі. Бағдарламада мәдени мұраны зерттеуге ерекше көңіл бөлінген. Лагерь аумағында 10 киіз үй тігілген. Балалар ұлттық ойындарға қатысқанды ұнатады.
Арман Өмірзақов, сауықтыру орталығының директоры:
— Жақсы бағдарлама жасалды. Біз тамақтануды күшейттік — күніне бес рет, витаминдерге толы. Яғни, сауықтыру тамақтану арқылы жүреді. Балалар мұнда гаджетсіз, телефонсыз уақыт өткізеді. Әртүрлі қосымша үйірмелер беріледі — бұл сурет салу, ағаш өңдеу, дене шынықтыру.
Лагерьлерде әлеуметтік жағынан аз қамтылған екі мың бала тегін демалады. Бұл үшін бюджеттен 121 миллион теңге бөлінген. Қалғандары үшін ваучерлер төленеді.
Ботагөз Дүйсенова, облыстық білім басқармасы басшысының орынбасары:
— Мемлекеттік лагерьлерде жолдама құны 40-70 мың теңге, жекеменшік лагерьлерде 90-150 мың теңге аралығында. Өткен жылмен салыстырғанда бағаның айтарлықтай өсуі байқалмайды. Жеке лагерьлер негізінен бұрынғы бағасын сақтап қалды.
Сонымен қатар, мектептер жанынан бес жүзге жуық шағын лагерь ашылып, онда да балаларға арналған танымдық және ойын-сауық шаралары өткізіледі. Облыста барлығы 134 мыңға жуық оқушы бар.
