Қазақстанда халықтың әлеуметтік осал топтары мен төтенше жағдайлардан зардап шеккендерге несие беруді кейінге қалдыру заңды түрде бекітіледі. Жоба «Қазақстан Республикасының кейбір заңнамалық актілеріне қаржы нарығын дамыту, қаржылық қызметтерді, коммуникацияларды тұтынушылардың құқықтарын қорғау және заңнаманы шектен тыс реттеуді жою мәселелері бойынша өзгерістер мен толықтырулар енгізу туралы» Заңын іске асыру мақсатында әзірленді», — делінген Қаржы нарығын дамыту жөніндегі Қағидалар мен ҚР Қаржы министрлігі әзірлеген өзгерістер мен толықтырулар жобасының сипаттамасында. НҚА жобасы келесілерді қарастырады: — халықтың әлеуметтік осал топтары (ХӘОТ) және төтенше жағдайлардан зардап шеккендер үшін кейінге қалдыруды енгізу; — растайтын құжаттары болған жағдайда қарыз алушының кірісі төмендеген жағдайда (ХӘОТ немесе төтенше жағдайдың құрбаны) кемінде үш айға төлемақысыз кейінге қалдыруды қамтамасыз ету міндетін белгілеу; — қарызды өтеу мүмкін еместігін тудырған өмірлік жағдайдың сипатына қарай қарыз алушыдан құжаттарды талап ету тәртібін нақтылау және мұндай құжаттардың тізбесі қосымша ұсынылды. Сондай-ақ НҚА жобасы жеке қарыз алушылардың, оның ішінде ХӘОТпроблемалық берешегін реттеу тетіктерінің тиімділігін арттыруға, сондай-ақ банктік қарыз/микрокредит шарттарының талаптарына өзгерістер енгізу туралы қарыз алушылардың өтініштерін қарау кезінде банк/МҚҰ іс-әрекеттерінің ашықтығы мен біркелкілігін қамтамасыз етуге бағытталғаны атап өтілді. Құжат Ашық НҚА платформасында жарияланған және 2025 жылдың 27 шілдесіне дейін талқылауға ашық.
