Қазақстандықтарға әлеуметтік көмек көрсету ережелерінде не өзгерді
Үкіметтің 2025 жылғы 9 шілдедегі қаулысымен Әлеуметтік көмек алатын азаматтарға әлеуметтік көмек көрсету қағидаларына өзгерістер енгізілді.
Атап айтқанда, атаулы әлеуметтік көмек алуға құқығы бар көпбалалы отбасы балаларының, сондай-ақ жан басына шаққандағы орташа табысы ең төменгі күнкөріс деңгейінен төмен мемлекеттік АӘК алмайтын отбасы балаларының мектепке дейінгі ұйымға бару кезеңінде азық-түлік шығындарын мемлекет жергілікті бюджет есебінен толық өтейтін толықтыру енгізілуде.
Сондай-ақ білім алу кезеңінде әлеуметтік көмекті білім беру ұйымдары немесе Қазақстан Республикасының мемлекеттік органдары кәмелеттік жасқа толған жетім балалар мен ата-анасының қамқорлығынсыз қалған балалардың, ата-аналардың немесе өзге де заңды өкілдерінің мынадай растайтын құжаттарды қоса бере отырып еркін нысандағы жазбаша өтініші бойынша жүзеге асыратыны көрсетілген:
туу туралы куәліктің көшірмелері – көпбалалы отбасы балалары үшін;
қорғаншылықты (қамқоршылықты) бекіту туралы анықтаманың көшірмелері – жетім балалар мен ата-анасының қамқорлығынсыз қалған отбасында тәрбиеленетін балаларға;
жетім балалар мен ата – анасының қамқорлығынсыз қалған, отбасында тәрбиеленетін балалар үшін баланы (балаларды) патронаттық тәрбиелеуге немесе асырап алушы отбасына беру туралы шарттың көшірмелері;
мүгедектігі бар адамдарға және бала кезінен мүгедектігі бар адамдарға, мүгедектігі бар балаларға мүгедектігі туралы анықтамалар немесе даму мүмкіндігі шектеулі балаларға арналған психологиялық – медициналық-педагогикалық консультация қорытындысының көшірмелері;
өтініш берушінің (отбасының) жергілікті атқарушы органдар көрсететін мемлекеттік атаулы әлеуметтік көмекті алушыларға тиесілігін растайтын анықтамалар – атаулы әлеуметтік көмек алуға құқығы бар отбасы балалары үшін;
алынған табыстар туралы мәліметтер (жұмыс істейтін ата-аналардың немесе оларды алмастыратын адамдардың еңбекақысы, кәсіпкерлік қызметтен және қызметтің өзге де түрлерінен түскен кірістер, балаларға және асырауындағы басқа да адамдарға алимент түріндегі кірістер) – жан басына шаққандағы табысы кедейлік шегінен аспайтын мемлекеттік атаулы әлеуметтік көмек алмайтын отбасылардың балалары үшін;
бiлiктi жұмысшыларды даярлауды көздейтiн техникалық және кәсiптiк, орта бiлiмнен кейiнгi бiлiм берудiң бiлiм беру бағдарламалары бойынша оқитын студенттер үшiн оқу орнына оқуға қабылдау туралы бұйрықтың көшiрмелерi.
