Гипофосфатемиялық рахитпен ауыратын науқастар дәрі-дәрмекпен қамтамасыз етіледі
Қазақстан Республикасының Денсаулық сақтау министрлігі жергілікті атқарушы органдармен бірлесіп сирек кездесетін «гипофосфатемиялық рахит» диагнозы бар науқастарды Буросумаб (Крисвита) препаратымен қамтамасыз ету мәселесін пысықтады.
Бүгінгі таңда елімізде мұндай диагнозбен 26 науқас тіркелсе, оның 10 адамы ағымдағы жылдың соңына дейін «Қазақстан халқына» қорының қаражатына сатып алынған дәрі-дәрмекпен қамтамасыз етілген. 2026 жылдан бастап барлық 26 науқасқа дәрі-дәрмек сатып алу жергілікті бюджеттен 4,1 млрд теңгеге толығымен қаржыландырылады.
2025 жылғы 18 тамызда Қазақстан Республикасының Денсаулық сақтау министрі Ақмарал Әлназарова гипофосфатемиялық рахитпен ауыратын балалардың ата-аналарымен дәрі-дәрмекпен қамтамасыз ету мәселелері бойынша алдағы қадамдарды талқылау үшін кеңес өткізеді.
