Байқоңыр ауданының прокуратурасы мен полиция басқармасы, сондай-ақ Астана әкімдігінің психологиялық қолдау орталығы кәмелетке толмағандардың қауіпсіздігін қамтамасыз ету мақсатында үшжақты меморандумға қол қойды.
Құжат кәмелетке толмағандар арасында суицидтік мінез-құлық фактілеріне жедел әрекет ету үшін ведомствоаралық жүйе құруға бағытталған.
Келісім шеңберінде осындай әрекеттерге немесе олардың мүмкіндігіне қатысты хабарламалар түскенде, кезекші прокурордан бөлек, психолог оқиға орнына шығады. Мамандар сол жерде жасөспіріммен жұмыс істеп, кәсіби қорытынды береді және оқиғаның суицидтік мінез-құлыққа жататынын анықтайды.
«Бұл тәсіл суицид фактілерін негізсіз тіркеуден сақтайды және балалардың құқықтарын қорғайды. Прокуратура өкілдерінің айтуынша, бұрын кей жағдайлар қате жіктеліп, суицидтік әрекет деп тіркелген, ал шын мәнінде, мысалы, дәрі-дәрмектің кездейсоқ мөлшерден көп қабылдануы сияқты оқиғалар болған», — деп атап өтті ұйымдастырушылар.
