Ақтауда Zijin RG Gold Open халықаралық теннис турнирінің қорытындысы шығарылды
Ақтауда ITF Wheelchair 50 сериясы аясында өткен Zijin RG Gold Open арбадағы теннистен халықаралық турнирі мәресіне жетті.
Матчтар 23–26 мамыр аралығында Каспий теңізі жағалауындағы корттарда өтті. Бұл турнир халықаралық тур аясындағы дебюттік дода болып, соңғы екі апта бойы Қазақстанда ұйымдастырылған кәсіби көктемгі жарыстар сериясын қорытындылады.
Жарысқа Азия мен Еуропаның 10 елінен 60-тан астам спортшы қатысты. Қазақстан құрамасының көшбасшыларымен қатар кортқа Малайзия, Франция, Оңтүстік Корея, Жапония және өзге де мемлекеттердің жетекші теннисшілері шықты. Турнирдің жоғары деңгейін қатысушылардың мәртебесі де айқындады: жүлделер мен маңызды ITF рейтингтік ұпайлары үшін әлемдік рейтингтің алғашқы жүздігіне кіретін ойыншылар және Паралимпиада қатысушылары бақ сынады.
Турнирді ұйымдастыру Қазақстан теннис федерациясының ұзақ жылдар бойғы сенімді серіктесі саналатын Zijin RG Gold компаниясының қолдауының арқасында мүмкін болды. Компания енді бейімделген спорт бағытын да дамытуды қолға алып отыр.
